„დღე პირველი“ არის ფსიქო-სოციალური სარეაბილიტაციო ცენტრი, რომელიც სპეციალიზებულია თამაშდამოკიდებულების პრობლემის დაძლევაზე, როგორც დამოკიდებული პირებისთვის, ისე მათი ოჯახის წევრებისთვის. ჩვენ ვაერთიანებთ თეორიულ და პრაქტიკულ ცოდნას, რაც ჩვენს სარეაბილიტაციო პროგრამას განსაკუთრებით ეფექტიანს ხდის. ჩვენი მუშაობის ეფექტიანობა 75%-ს შეადგენს, რაც ეფუძნება პროფესიონალიზმს, კვლევებზე დაფუძნებულ მიდგომებსა და სწორად დაგეგმილ გამოჯანმრთელების პროცესს.

რეაბილიტაცია იწყება პირველადი კონსულტაციით. ამ დროს ხდება პრობლემის სიღრმისეული შეფასება, გამოჯანმრთელების პროცესის მიზნების დასახვა და დაავადების შესახებ ინფორმაციის გაცნობა. ასევე იგეგმება ინდივიდუალური სარეაბილიტაციო გეგმა.


ჩვენთან შესაძლებელია როგორც პირისპირ, ისე ონლაინ კონსულტაციების მიღება. თუმცა, ჩვენი კვლევები აჩვენებს, რომ ფიზიკური სესიები მეტად ეფექტურია გამოჯანმრთელების პროცესში. თითოეულ პაციენტთან მიდგომა არის ინდივიდუალური და მორგებული მის საჭიროებებზე.

ჩვენი ცენტრი მუშაობს როგორც თამაშდამოკიდებულ პირებთან, ისე მათ ოჯახის წევრებთან (თანადამოკიდებულებთან). თამაშდამოკიდებულება არის კომპლექსური ფსიქიკური დაავადება, რომელიც მოითხოვს კომპლექსურ მიდგომას. მნიშვნელოვანია, რომ მუშაობა მოხდეს არა მხოლოდ უშუალოდ დამოკიდებულ ადამიანთან, არამედ მათ ოჯახის წევრებთანაც, რადგან ხშირად თამაშდამოკიდებულების ჩამოყალიბებაში გარემო და ოჯახური ფაქტორებიც მონაწილეობს.

მიუხედავად იმისა, რომ თითოეული პაციენტის გამოჯანმრთელების გზა უნიკალურია, საშუალო სტატისტიკური მაჩვენებელი არის 6-7 თვე. ამ პერიოდის განმავლობაში პაციენტები გადიან სრულყოფილ სარეაბილიტაციო პროგრამას, რომელიც მორგებულია მათ ინდივიდუალურ საჭიროებებზე.

ჩვენი სარეაბილიტაციო პროგრამა ეფუძნება საერთაშორისოდ აღიარებულ მეთოდოლოგიებს - კოგნიტურ-ბიჰევიორულ (CBT) და გეშტალტ თერაპიას. როგორც აზარტული თამაშების კვლევისა და ლუდომანიის პრევენციის ცენტრის პარტნიორები, ჩვენ მუდმივად ვაახლებთ ჩვენს მეთოდოლოგიას უახლესი კვლევების საფუძველზე.

პაციენტის ანონიმურობა ჩვენი მუშაობის ერთ-ერთი ფუნდამენტური პრინციპია. ყველა კონსულტაცია და პირადი ინფორმაცია მკაცრად კონფიდენციალურია. ჩვენი პროფესიული ეთიკის კოდექსი უზრუნველყოფს თქვენი პირადი მონაცემების სრულ დაცულობას.

ჩვენთან დაკავშირება მარტივია. შეგიძლიათ გვეწვიოთ მისამართზე: თბილისი, ვაკე, ი. აბაშიძის 47 ან დამატებითი ინფორმაციისთვის დაგვიკავშირდეთ მობილურის ნომერზე: +(995) 599 568 797 ან მოგვწეროთ ელექტრონულ ფოსტაზე info@dayone.ge.